Бутуңар уюп кетпейт. Нурланбек Шакиев ЖКга отчет же маалымат менен келген өкүлдөрдү депутаттардын суроолоруна трибунада жооп беришин талап кылды

Бүгүн, 3-ноябрда Жогорку Кеңештин төрагасы Нурланбек Шакиев парламентке маалымат бергени келген Министрлер кабинетинин өкүлдөрүн депутаттардын суроолоруна борбордук трибунада туруп жооп берүүнү талап кылды.

"Мурда отчет же маалымат менен келген премьер-министр же башка болсун борбордук трибунадан депутаттардын суроолоруна жооп берип келишкен. Мындан ары да ошондой болуш керек. Эч нерсе болбойт бутуңар уюп кетпейт",- деди төрага.

Белгилей кетсек, бүгүн Жогорку Кеңешке Ички иштер министринин орун басары экстремизм тууралуу баяндама жасады.