Баткенде кароосуз калган калып, Тажикстандын аймагына өтүп кеткен 6 баш уй кожоюнуна кайтарылып берилди. Бул тууралуу облустук милициянын басма сөз кызматынан билдиришти.
Маалыматка ылайык, 27-ноябрда Ак-Сай айылынын тургуну 1972-жылы туулган Запарбек Жолдубаевдин 6 баш уйу табылбай жатканын айтып кайрылган.
Милиция кызматкерлери териштирүү иштерин жүргүзгөн учурда, уйлар Тажикстандын Исфара районунун Ворух аймагына өтүп кеткени тастыкталган.
"Милиция тарабынан көрүлгөн ыкчам чаралардын натыйжасында, 29-ноябрь күнү саат 20:30 чамасында Тажикстандын Исфара районунун Ворух РИИБдин милиция кызматкерлери менен сүйлөшүүлөр жүргүзүлүп, малдар ээсине кайра кайтарылып берилди", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн