Чоң Чүй каналына түшүп кеткен өспүрүмдүн сөөгү табылды

Чүйдө бир нече күн мурун сууга чөгүп кеткен өспүрүмдүн сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, бүгүн, 27-июлда таңкы саат 6:10 чамасында өспүрүмдүн сөөгү Чүй районуна караштуу Алга айылынын сугат арыктарынын биринен жергиликтүү тургундар тарабынан табылган.

Өспүрүмдүн сөөгү милиция кызматкерлерине өткөрүп берилген.

Белгилей кетсек, 21-июлда Чоң Чүй каналына 16 жаштагы А.Ч. аттуу өспүрүм түшүп кеткен. Ошол күндөн тартып ӨКМ тарабынан издөө иштери жүргүзүлүп келген, бирок жыйынтык болбой жаткан.