Чоң Чүй каналынан 34 жаштагы жарандын денеси табылды

Бүгүн, 23-январда Чоң Чүй каналынан изделип жаткан 34 жаштагы жарандын денеси табылды. Бул тууралуу Өзгөчө кырдаалдар министрлигинин басма сөз кызматы билдирди.

 Маалым болгондой, Чүйдүн Аламүдүн районунун Алма-Ата көчөсүндө Чоң Чүй каналында белгисиз жарандын сөөгү суу тосмосунда жаткандыгы тууралуу маалымат түшкөн. 

Жерине №1 ӨКБдан 5 куткаруучу тартылып, жансыз денени суудан чыгарып беришкен. Аталган жаран буга чейин ЧЧКда изделип жаткан 1989-жылы туулган А.К. аттуу эркек жаран экендиги аныкталды.

Эске салсак, жогорудагы аталган жаран 19-январдан бери ӨКМдин куткаруучу, суучулдары тарабынан Чоң Чүй каналынан изделип жаткан.