Чүйдө “Mercedes Benz" даракты сүзүп, 2 адам каза болду

Чүйдө “Mercedes Benz" даракты сүзүп, 2 адам каза болду. Бул тууралуу ӨКМнын басма сөз кызматы билдирди.

Бүгүн саат 07:52 чамасында Бишкек-Нарын-Торугарт айланма унаа жолунун болжол менен 65-чакырымында “Mercedes Benz C 180” үлгүсүндөгү жеңил унаанын айдоочусу рулга ээ боло албай, жолдон чыгып бакты сүзгөн.

Жерине Токмок шаардык №21 ӨКБдан 3 куткаруучу тартылып, кырсыктын кесепетинен 1 аял жана 1 эркек каза болуп, 1 эркек жабыркаган (аты-жөндөрү такталууда), куткаруучулар каза болгон жарандардын жансыз денелерин унаадан чыгарып, ИИМ кызматкерлерине өткөрүп беришти.

Ал эми жабыркаган жаран жеке унаа менен Токмок шаардык ооруканага жеткирилди.