Чүйдө жол кырсыгынан өспүрүм улан-кыздар жабыркап, эки адам каза болду

Чүйдө жол кырсыгынан өспүрүм улан-кыздар жабыркап, эки адам каза болду. Бул тууралуу ӨКМнын маалымат кызматы билдирет.

31-март күнү Москва районунун Төлөк айылында “Honda Stepwgn” үлгүсүндөгү унаанын айдоочусу рулга ээ боло албай жолдон чыгып бакты сүзгөндүгү тууралуу маалымат түшкөн.

Кырсыктын кесепетинен 6 адам 4 эркек  И.Б. 2002-жылы туулган, А.У. 2002-жылы туулган, 2 эркектин аты-жөндөрү такталууда жана 2 кыз: А.Ж. 2005-жылы , Ж.Э. 2001-жылы туулган жабыркаган. 

2 эркек К.Б. 2001-жылы туулган, 1 эркектин аты-жөнү такталууда каза болгон. 

Жерине КР ӨКМнин 5 куткаруучусу тартылып, каза болгон жарандарды унаадан чыгарып, ИИМ кызматкерлерине өткөрүп беришкен.

Ал эми жабыркаган жарандар тез жардам кызматы менен Москва райондук ооруканага алып жеткирилди.