COVID-19: Бир сутка ичинде 85 жаңы учур катталды

Акыркы суткада Кыргызстанда COVID-19 жана коомчулуктан пайда болгон пневмониянын 85 жаңы учуру катталды, деп билдирди КР Саламаттык сактоо министрлигинин Оорулардын алдын алуу жана мамлекеттик санитардык-эпидемиологиялык көзөмөл департаменти.

Анын ичинен: 28 адам оорунун белгилеринин пайда болушуна байланыштуу кайрылган, 57 адам өлкөдөн учуп кетип жаткандыгына байланыштуу ПЧР текшерүү учурунда аныкталган.

Алсак, аймактар ​​боюнча: Бишкек шаарында – 76, Ошто – 3, Чүй облусунда – 3, Ош облусунда – 1, Жалал-Абад облусунда – 2.

Бардык аныкталгандардын ичинен 18 адам COVID-19га каршы эки жолу эмдөөдөн өткөн.

Бүгүнкү күндө 73 адам амбулатордук дарыланууда, 12 адам ооруканада жатат.