Коронавирус илдетин жаңы учурлары Борбор Азия мамлекеттеринде күн сайын катталып жатат. 22-майга карата инфекцияны эң көп жуктургандар Казакстанда болсо, каза болгондор Тажикстанда көп катталды.
Маалыматка ылайык, коронавирус эпидемиясын жуктургандар Казакстанда 7919, Өзбекстанда 3078, Тажикстанда 2552, Кыргызстанда 1365 адамга жетти.
Ал эми илдеттен сакайгандар Казакстанда 4 096, Өзбекстанда 2 492, Тажикстанда 1 089, Кыргызстанда 957 бейтапка жетти.
Ошол эле учурда дарттан каза болгондор Тажикстанда 44, Казакстанда 35, Кыргызстанда 14, Өзбекстанда 13 кишиге жетти.
Ал эми Түркмөнстанда коронавирус илдетин жуктургандар жок экенин билдирип келишет. Бирок ага карабастан өлкөдө акыркы коңгуроо жана башка бир катар иш-чараларды өткөрүүгө тыюу салынган.
Пикирлер (0)
Пикир жок. Сиз биринчилерден болушуңуз мүмкүн