Жогорку Кенештин депутаты Айгүл Айдарова Бишкекте убактылуу жашап жаткан баткендиктерден кабар алды. Бул тууралуу парламенттин басма сөз кызматы билдирди.
Эл өкүлү Айгүл Айдарованын демилгеси менен Баткен коогалаңынан келген 28 үй-бүлө Бишкек шаарындагы №3 кесиптик лицейинин жатаканасына убактылуу жайгаштырылан болчу. Учурда 28 үй-бүлөдө 36сы жаш балдар 80 улуу жарандар түзөт.
Депутат Айгүл Айдарова 23-январь күнү мында жашап жаткандардан кабар алып, балдар үчүн оюнчук, жылуу килемдерди ала барды.
“Кескин суук болуп кеткендиктен, абалыныздарды билүү үчүн кабар алып келдим. Буюрса алдыда жакшы күндөрдөн үмүт үзбөйлү, мындан ары жаман окуялар кайталанбасын”- деди эл өкүлү тургундар менен учурашууда.
Кабар алып барган депутатка баткендиктер ыраазычылыгын билдиришти.
Пикирлер (0)
Пикир жок. Сиз биринчилерден болушуңуз мүмкүн