Чек арада талкаланган үйлөрдүн курулушу жай жүрүп жатат. Мындай пикирин Жогорку Кеңештин депутаты Камила Талиева парламенттин бүгүнкү жыйынында билдирди.
Анын айтымында, кыш жакындап калганына карабай үйлөрдүн курулушу жай жүрүүдө.
"Тажикстандын кол салуусунан талкаланган үйлөрдүн курулушу башталды. Бирок жай жүрүп жатат. Ал эми социалдык объекттердин курулушу азырга чейин баштала элек. Аларды куруу үчүн тендер өткөрүү керек экен. Кышка бир жарым ай убакыт калды. Балдар бакчасы, мектеп, айыл өкмөтүнүн имараты жок. Балдар кандай кылат? Кантип билим алат? Курулуш иштерин тездетүү керек",- деди депутат.
Пикирлер (0)
Пикир жок. Сиз биринчилерден болушуңуз мүмкүн