Бүгүн, 16-ноябрда Жогорку Кеңештин депутаты Жаныбек Кыдыкбаев Маданият, маалымат, спорт жана жаштар саясаты министринин орун басарына жаштарды ар кандай негативдүү жарнамалардан сактоо үчүн TikTok тиркемесине тыюу салууну сунуштады.
Депутаттын айтымында, аталган социалдык тармакта көптөгөн терс көрүнүштөр пропагандаланат.
"Кыргызстанда азыр балдардын баары TikTok'ко кирет. Ал жерде баңгизатты дагы, ичимдиктерди дагы, денеси жылаңачтарды да жарнама кылат экен. Балдар аларды көрүп жатат.
Буга тыюу салыш керек. Балдардын психологиясына терс таасирин тийгизип жатат",- деди депутат.
Пикирлер (0)
Пикир жок. Сиз биринчилерден болушуңуз мүмкүн