Лейлек районунда бир нече мектеп авариялык абалда жана аларды жаңылоо боюнча качан иштер ишке ашат? Мындай суроону Жогорку Кеңештин депутаты Чынгыз Ажибаев бүгүн Жогорку Кеңештин жыйынында көтөрдү.
Анын айтымында, Лейлек районунда бир нече мектеп авариялык абалда турат.
"Лейлек районундагы Булак-Башы, Миң-Жыгач, Мырза-Патча айылдарындагы мектептердин абалын көргөн адам шок болот. Өкмөт өкүлдөрү дагы көрүп оңдойбуз деген бойдон унутуп коёт. Ошондуктан мен бул айылдарга жаңы мектептин салынышын талап кылам",- деди депутат.
Ошондой эле Ажибаев Баткен облусунда көчмө жыйын өткөрө турган "Ишеним" жана"Ынтымак" фракциясын Лейлек районундагы чек ара аймагына барууну суранды.
Пикирлер (1)