Депутат: Ооганстандан качкан кыргыздарды Кыргызстанга алып келиш керек

Ооганстандан Тажикстанга кире качкан этникалык кыргыздарды Кыргызстанга алып келиш керек. Мындай пикирин Жогорку Кеңештин депутаты Бейшеналы Нурдинов парламенттин жыйынында билдирди.

“Президентке айтып, Ооганстандан талибандардан кооптонуп качкан этникалык кыргыздарды түз эле Кыргызстанга өткөрүп алууга аракет кылбайлыбы. Алар эптеп оогандыктардан качып чыгып, эми ортодо ал жактан да жаман жерге түшүп калышты. Азыр башпаанек издеп атышыптыр. Аларга жардам көрсөтпөйлүбү”, - деди Нурдинов.