Депутаттар Кумтөр боюнча түзүлгөн келишимди жабык эшик артында талкуулайт

Кумтөр боюнча түзүлгөн келишимди Жогорку Кеңештин депутаттары жабык эшик артында талкуулайт. Бул тууралуу 24.кг агенттиги кабарлады.

Кыргызстан менен “Центерра” Кумтөр боюнча келишимге кол коюшканын президенттин парламенттеги өкүлү Алмасбек Абытов бүгүн, 9-мартта  билдирди.

Келишимдин шарттары азырынча ачыктала элек.

Буга чейин министрлер кабинетинин төрагасы Кыргызстандын бийлиги 15-мартка чейин "Центерра" менен тынч ажырашууну макулдашканын билдирген. Ага чейин канадалык компания өзүнүн талаптарын жарыялаган.