Кулжа 17, 2024
Убакыт: 01:39
USD
87.10
88.00
EUR
93.70
94.70
RUB
0.955
1.000

Дипломатиялык академия профессор Айнур Жоробековага сөгүш жарыялады

31.05.2023 14:06
1141
Дипломатиялык академия профессор Айнур Жоробековага сөгүш жарыялады


Дипломатиялык академия профессор Айнур Жоробековага дисциплинардык жаза - сөгүш, жеке делосуна жазуу менен жарыялады. Бул тууралуу академиядан билдиришти.


Университетте өткөн жыйында Эл аралык мамилелер жана укук бөлүмүнүн башчысы Айнура Жоробекованын Валдай форумунда сүйлөгөн сөзү талкууланды.


Жоробекова талаш-тартышта орус тилинин Борбор Азия өлкөлөрүндөгү позициясы, ошондой эле орус диаспорасын кысымга алуу көйгөйлөрү көтөрүлгөнүн белгиледи.


"Мен сүйлөгөн сөзүмдө Кыргызстанда орус тилинин абалы коңшу мамлекеттерге караганда эң жакшы деп айткам. Биздин өлкөдө гана орус тили Конституцияда бекитилген расмий тил болуп саналат. Аймактын 90% орус тилиндеги маалымат каражаттары. Менин катачылыгым, мен өз сөзүмдө жалпы коомчулукка тааныш эмес “улуттук крокодилдер” деген терминди колдондум, ал эксперттик коомчулукта колдонулуп, дүйнөнүн кайсы мамлекетинде болбосун этникалык кагылышууларды тутанткан адамдардын тобуна карата колдонулат. Бул сөз коомчулукта ушундай терс реакцияларды жаратканына абдан өкүнөм", - деди ал.


Жоробекова кыргыз тилин кемсинтүү ниети жок экенин билдирди.


Дипломатиялык академиянын ректору Чынара Адамкулова академия Тышкы иштер министрлигине караштуу уюм экенин белгиледи. Ошол себептен эл алдында сүйлөгөн сөздөрү, комментарийлери жана билдирүүлөрү этикалык нормаларга туура келиши керек жана билдирүүлөр Тышкы иштер министрлигинин расмий позициясынын алкагында болушу керектигин айтты.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн