Жогорку Кеңештин жыйынында Суу чарба, айыл чарба жана кайра иштетүү өнөр жай министри Бакыт Төрөбаев көпчүлүктүн банкта күрөөсү жок болгондуктан, дыйкандар келишим боюнча жеңилдетилген насыя ала турган механизм иштелип жатканын билдирди.
Анын айтымында, көптөгөн дыйкандар кредиттик тарыхы жана салык чегерүүлөрүнүн жоктугунан жеңилдетилген насыя ала албай жатышат.
«Мындан тышкары, эгерде мурда жеңилдетилген насыяларды негизинен Чүй облусунун юридикалык жактары алса, эми биз аларды негизинен башка аймактарга беребиз», - деп белгиледи Бакыт Төрөбаев.
Ал ошондой эле асыл тукум малдарды сатып алуу үчүн жеңилдетилген лизинг жылына 3 пайыз менен бериле баштаганын билдирди. Аткаминердин айтымында, үч жылдын ичинде Айыл чарба министрлиги жарандарга асыл тукум малдын уруктарын бекер таратат.
Пикирлер (0)
Пикир жок. Сиз биринчилерден болушуңуз мүмкүн