Москва районунун Петровка айылында Бишкек — Ош унаа жолун тоскон дыйкандар боюнча сотко чейин өндүрүш ачылды. Бул тууралуу Чүй облустук милициянын маалымат кызматы кабарлады.
Билдирмеге караганда, бүгүн саат 15:54төр чамасында Жайыл районунун тургундары суу тартыштыгына нааразычылыгын билдирип негизги трассаны тоскону тууралуу милицияга маалымат түшкөн.
"Аталган жерге Москва райондук милициянын ыкчам-тергөө тобу барган. Мындан сырткары, коомдук тартипти сактоо үчүн милиция кызматкерлери да тартылган. Алар жана жергиликтүү бийлик өкүлдөрү тиешелүү түшүндүрүү иштерин жүргүзгөндөн кийин жол саат 16:05те ачылды", - деп айтылат маалыматта.
Бул факты Кылмыш жана жоруктардын бирдиктүү реестрине катталып, сотко чейинки өндүрүш башталды.
Пикирлер (0)
Пикир жок. Сиз биринчилерден болушуңуз мүмкүн