Кыргыз Республикасынын энергетика жана өнөр жай министри Доскул Бекмурзаев Түркияга жасаган иш сапарынын алкагында Түркия Республикасынын Улуу Улуттук Жыйынын Төрагасы Мустафа Шентоп менен жолугушту. Бул тууралуу Энергетика жана өнөр жай министрлигинин басма сөз кызматы маалымдады.
Жолугушууда өнөр жай жана технологиялар багытындагы эки тараптуу кызматташтыктын келечеги талкууланды.
Анда Кыргызстандын энергетика жана өнөр жай министри Доскул Бекмурзаев Кыргыз Республикасы менен Түркия стратегиялык өнөктөш экенин белгилеп, өнөр жай багытында кызматташтык боюнча кол коюлган келишим эки өлкөнүн соода жүгүртүүсүнүн көлөмүн көбөйтүүгө негиз болот деген ишенимин билдирди.
Ал эми Мустафа Шентоп Түркия тарап Кыргызстандын экономикалык өнүгүүсүнө колдоо көрсөтүүгө даяр экенин билдирди.
Муну менен катар Энергетика жана өнөр жай министри Доскул Бекмурзаев Түркиянын Энергетика жана жаратылыш ресурстары министри Фатих Дөнмез менен жолугушту.
Жолугушуу эки өлкөнүн энергетика багытында кызматташтыкты өнүктүрүү маселеси талкууланды.
Пикирлер (0)
Пикир жок. Сиз биринчилерден болушуңуз мүмкүн