Элдин турмушу оорлоп баратат. Чек арадагы Максат айылынын тургундары Садыр Жапаровго кайрылуу жасады (видео)

Лейлек районунун кыргыз-тажик чек арасында жайгашкан Максат айылынын тургундары президент Садыр Жапаровго кайрылуу жасады. 

Кайрылууда жергиликтүү тургундар президентке, кыргыз элине көрсөткөн жардамдары үчүн ыраазычылык билдирген.

Мындан сырткары, алар чек аранын тез арада чечилишин талап кылып, тажик аскерлери кармап кеткен жарандарды бошотууну суранган. Ошондой эле, айылда жумушсуздук күчөп, карызга баткандар бар экенин аны чет өлкөдө иштеп төлөйлү десек үй-бүлөнү таштап кетүүгө коркуп турушканын айтышкан.