Эрдогандын көрсөткүчү төмөндөдү. Түркияда президенттик шайлоонун экинчи туру болушу мүмкүн

14-майда Түркияда президенттик жана парламенттик шайлоо болуп өттү.

Добуш берүүнүн алдын ала жыйынтыгы боюнча учурдагы президент Режеп Тайип Эрдоган алдыда.

Ошого карабастан, Түркиянын Жогорку Шайлоо комитети берген маалыматка ылайык, добуш берүүнүн 91,93 пайызы эсептелген.

Анда Эрдоган 49,49 пайыз добуш топтогон. Анын негизги атаандашы Кемал Кылычдароглу 44,79 пайыз добуш алган. Ал эми Синан Оган 5,29 пайыз добушка ээ болгон.

Эгер добуштардын баары эсептелип бүткөндөн кийин талапкерлердин бири 50%дан жогору добуш ала албаса экинчи тур 28-майда өтөт.