Футбол: Африка Кубогунда күйөрмандардын тыгынында кеминде 7 адам каза болду

24-январда Африка Кубогунун алкагында Камерун улуттук курама командасы менен Комор аралдарынын курама командасы беттешкен.

Беттеш Камерундун борбор шаары Яунде шаарында өткөн.

Оюнду көрүүгө келген күйөрмандардын саны көп болгондуктан стадионго кире бериште тыгын пайда болгон. Анын натыйжасында кеминде 7 адам каза болуп, 40тан ашык адам ооруканага жөнөтүлгөн. Расмий маалыматтар мындан да артык болушу мүмкүн.

Оюн 2:1 эсебинде Камерун улуттук курама командасынын пайдасына чечилген.