Кечээ, 3-сентябрь күнү Бишкекте өткөн футбол беттешинде Кыргызстандын 23 жашка чейинки курама командасы Палестинанын курамасын жеңип алды. Бул оюн 2026-жылы өтө турган Азия Кубогунун тандоо турунун алкагында өттү.
Долон Өмүрзаков атындагы стадиондо өткөн оюнда эсеп экинчи таймда ачылды. 81-мүнөттө Кими Мерк пенальтиден гол киргизип, Кыргызстанды алдыга чыгарды. Бирок кошумча убакыттын 4-мүнөтүндө Палестина эсепти теңеди. Ошентсе да, 90+5-мүнөттө ошол эле Кими Мерк экинчи голун киргизип, командага 2:1 эсебинде жеңиш алып келди.
Эске сала кетсек, 2026-жылкы Азия кубогунун тандоо оюндарына 11 тайпага бөлүнгөн 44 команда катышууда. Кыргызстандын курама командасы "Е" тайпасында Палестина, Өзбекстан жана Шри-Ланка менен ойнойт.
Башкы машыктыруучу Эдмар Ласерда. Кийинки оюн 6-сентябрда Өзбекстан курама командасы менен болот.
Пикирлер (0)
Пикир жок. Сиз биринчилерден болушуңуз мүмкүн