Футбол боюнча улуттук кураманын капитаны Кичин "Даңк" медалы менен сыйланды

Кыргызстандын футбол боюнча улуттук курама командасынын капитаны Валерий Кичин "Даңк" медалы менен сыйланды. Бул тууралуу Маданият министрлигинин басма сөз кызматы билдирди.

Сыйлык тапшыруу аземи 1-июнда футбол боюнча Кыргыз курама командасынын Японияга 2022-жылдагы Дүйнө чемпиондугунун тандоо оюндарына жөнөп жаткан учурда берилди.