Германиянын "Айнтрахт" клубу Европа лигасынын жеңүүчүсү аталды

18-майда Севилья шаарындагы "Рамон Санчес-Писхуан" стадионунда Европа лигасынын финалдык беттеши өттү.

Финалда германиялык "Айнтрахт Франкфурт" жана Шотландиянын "Рейнжерс" клубу беттешти.

Оюндун негизги убактысы 1:1 эсеби менен жыйынтыкталып, кошумча берилген 30 мүнөттө да гол жаралган жок.

Оюндан кийинки пенальти сериясында "Айнтрахт" 5:4 эсебинде атаандашын клубун жеңип Европа Лигасынын чемпиону аталды.

Европа Лигасынын чемпиону болгон "Айнтрахт" Чемпиондор лигасынын кийинки сезонуна катышуу үчүн түздөн-түз жолдомо алды.

Эми 10-августта Европа Суперкубогу үчүн германиялык команда Чемпиондор лигасында финалга чыккан "Реал Мадрид" же "Ливерпуль" менен кездешет.