Иса Ахунбаев атындагы Кыргыз мамлекеттик медициналык академиясынын госпиталдык хирургия кафедрасынын профессору, Улуттук илимдер академиясынын академиги Мамбет Мамакеев II даражадагы «Манас» ордени менен сыйланды. Мамлекеттик сыйлыкты 2-апрелде президент Садыр Жапаров өзгөчөлөнгөн инсандарга сыйлык тапшыруу аземинде тапшырды.
Мамлекеттик сыйлыктар жалпы 125 адамга берилди. Алардын арасында саламаттыкты сактоонун, эл агартуунун, илим-билимдин, айыл чарбасынын, спорт тармагынын көрүнүктүү өкүлдөрү бар.
Медицина илимдеринин доктору Мамакеев дүйнөдө эң узак иштеген хирург катары Гиннестин рекорддор китебине катталган.
Белгилей кетсек, Сооронбай Жээнбеков президент болуп турган 2020-жылдын 31-августунда — Эгемендик күнүнө карата «Кыргыз Республикасынын мамлекеттик сыйлыктары менен сыйлоо жөнүндө» жарлыкка кол койгон. Бирок пандемия жана андан кийинки саясий себептерден улам сыйлыкты ээлерине салтанаттуу тапшыруу мөөнөтү кечигип келген.
Пикирлер (1)