Кыргызстанда жыл башынан бери милиция кыздарды ала качуу боюнча 187 фактыны каттоого алды. Бул тууралуу бүгүн, 19-октябрда Бишкекте өткөн маалымат жыйынында ИИМдин Тергөө кызматынын улук тергөөчүсү Азамат Дүйшөналиев билдирди.
«Катталган фактылардын ичинен сегиз кылмыш иши сотко өткөрүлүп берилген. Алар боюнча 14 жаран айыпталууда. 177 факты боюнча тергөө кылмыш курамынын жоктугунан токтотулган. Эки факты боюнча иликтөө уланып жатат», - деди ал.
Жыл башынан бери милиция жашы жете электерди никеге турууга мажбурлоо боюнча 19 фактыны да каттады.
«Анын ичинен 17 иш кылмыш курамынын жоктугу үчүн иликтенген. Учурда дагы эки факты иликтенүүдө», - деди тергөөчү.
Пикирлер (0)
Пикир жок. Сиз биринчилерден болушуңуз мүмкүн