Ички иштер министрлигинин Күзөт кызматынын Ноокен райондук бөлүмүнүн кызматкери өзүнө ок атып каза болду. Окуя 15-майда катталган. Бул маалыматты ИИМдин басма сөз кызматы тастыктады.
Маркум — 24 жаштагы А.С. 2020-жылдан бери Күзөт кызматында эмгектенип жаткан. Учурда ИИМдин Күзөт кызматы тарабынан өлүмдүн себептерин тактоо боюнча кызматтык иликтөө башталды.
Айрым маалыматтарга караганда, А.С.нын жансыз денеси кызматтык инкассатор унаасынан табылган. Ал кесиптештери менен бирге акча каражаттарын инкассациялоо үчүн объектке барган. Кесиптештери имаратка кирип кеткенде А.С. унаада калган. Ал Калашников автоматынан өзүнө ок чыгарган.
Пикирлер (0)
Пикир жок. Сиз биринчилерден болушуңуз мүмкүн