Ысык-Көл облусунун Ак-Суу районунда 18-сентябрда 44 жаштагы А.М. аттуу эркек киши жана 45 жаштагы Р.М. аттуу аял киши Эңилчек айылынан чыгып, тоо тарапка Баш-Көл көлүнө кеткен бойдон кайтып келишкен эмес.
Өзгөчө кырдаалдар министрлигинен билдиришкендей, 4-октябрь күнү жерине издөө иштерин жүргүзүү үчүн саат 06:30да беш куткаруучу, төрт милиция кызматкери жана жергиликтүү тургундардан үч адам, жалпы 12 адам тартылган.
“Саат 13:00дө Эңилчек айылына жетишип, түнөп калышкан. Бүгүн саат 06:00дө куткаруу тобу Баш-Көл көлүн көздөй издөө иштерин баштаган. Издөө иштеринин натыйжасында аталган жарандар Теректи ашуусунан аман-эсен табылган. Куткаруучулар туруктуу жайгашкан ордуларына кайтышууда”, - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн