Кечээ, 6-февралда Ысык-Көлдө "Париж" пансионаты толугу менен күйүп кетти. Бул тууралуу ӨКМнын басма сөз кызматы билдирди.
"ӨКМдин Өрткө каршы-куткаруу кызматы Ысык-Көл районунун Чок-Тал айылында жайгашкан "Париж" пансионатындагы 300 чарчы метр аянттагы котеджде чыккан өрттү өчүрүштү. Маалыматка ылайык, алоолонгон өрт бүтүндөй имаратты каптап, толук күйүп кеткен.
Жеринде № 39 ӨК-КБдан 2 бөлүм иш алып барып, өрттү саат 16:57де чектөөгө алуу менен толук түрдө саат 18:27де өчүрүштү.
Бактыга жараша жабыркагандар жок",- деп айтылат маалыматта.
Учурда өрттүн келип чыгуу себеби жана келтирилген чыгымдар такталууда.
Пикирлер (0)
Пикир жок. Сиз биринчилерден болушуңуз мүмкүн