Ысык-Көлдө жол кырсыгынан жеңил унаадагы 4 адам каза болду

Ысык-Көлдө жол кырсыгынан 4 адам каза болду. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, Ысык-Көл районун Балыкчы – Ананьево – Каракол унаа жолунун 98-чакырымында (Комсомол айылы) Volvo менен Volkswagen Passat үлгүсүндөгү унаалардын каттышуусунда жол кырсыгы катталган.

Кырсыктын кесепетинен 4 адам үч эркек жана бир аял киши каза болгон (аты-жөндөрү такталууда).

Жерине Ысык-Көл райондук №31 ӨКБдан 4 куткаруучу тартылып, каза болгондордун жансыз денелерин унаадан чыгарып ИИМ кызматкерлерине өткөрүп беришкен.