Ысык-Көлдүн туристтик жана экологиялык милициясынын кызматкерлери «Акун» пансионатынын аймагынан тоодой таштанды табышкан. Бул тууралуу аталган облустун ички иштер башкармалыгынын басма сөз кызматы билдирди.
Аталган факты Ысык-Көл облусунун ички иштер башкармалыгынын электрондук маалымат реестрине катталган.
Пансионаттын администрациясы тарабынан «Аймактарды көрктөндүрүү, жарыктандыруу, санитардык тазалоо» 7-главасынын 30 жана 42-пункттарынын талаптарын бузгандыгы аныкталды.
Кыргыз Республикасынын Кылмыш-жаза кодексинин 114-беренеси «Жашылдандыруу жана көрктөндүрүү эрежелерин бузуу» менен «Акун» пансионатынын администрациясын жоопкерчиликке тартуу максатында материалдар жергиликтүү өз алдынча башкаруунун аймактык органына өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн