Кадамжайда түнү менен дүкөндү тоноп кеткен жаран кармалды

Кадамжайда дүкөнгө уурулукка кирген жаран кармалды. Бул тууралуу Баткен облустук ички иштер башкармалыгынын басма сөз кызматы билдирди.

Маалыматка ылайык, 2023-жылдын 21-майынан 22-майга караган түнү Үч-Коргон айыл аймагынын Х.Дадабаев көчөсүндө жайгашкан "Лаззат" дүкөнүнө саат 02:00 чамасында белгисиз атуулдар кирип, 46000 миң сом акчасын жана 15  миң сомдук буюмдарын алып чыгып кеткендигин Үч-Коргон айыл аймагынын 67 жаштагы тургуну Ф.Д. арызында көрсөткөн. Жаран Ф.Д. арызы Кадамжай РИИБдин маалыматтык электрондук журналына 205-беренесинин негизинде уурулук фактысы менен катталган. Катталган арыздын негизинде ыкчам иш-чаранын жүрүшүндө Үч-Коргон айылдык милиция бөлүмчөсүнүн кызматкерлери тарабынан кылмышка шектүү катары А.Масалиев айыл аймагынын тургуну 31 жаштагы И.О. аныкталып, азыркы учурда тергөө кызматына камсыз кылынган. Учурда тергөө амалдары жүргүзүлүүдө.