Бүгүн, 26-майда Калыс-Ордо конушуна жакын жердеги суу сактагычтан 54 жаштагы кишинин денеси табылды. Бул тууралуу Өзгөчө кырдаалдар министрлигинин маалымат кызматы билдирет.
Маалыматка ылайык, Биринчи Май районуна караштуу Калыс-Ордо жаңы конушуна жакын жайгашкан Ала-Арча суу сактагычына белгисиз адам түшүп кеткендиги тууралуу маалымат Өзгөчө кырдаалдар министрлигинин 112 кызматына түшкөн.
Кырсык катталган жерге Аламүдүн райондук №1 өрткө каршы бөлүмдөн 4 куткаруучу жана кошумча Суучулдар кызматынан 3 суучул тартылган.
Издөө иштерин натыйжасында, суучулдар тарабынан Ала-Арча суу сактагычынан 54 жаштагы эркек кишинин сөөгү табылып, ИИМ кызматкерлерине өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн