Жастин Трюдонун отставкасынан кийин Канаданын Борбордук банкынын мурунку жетекчиси Марк Карни бийликтеги либералдар партиясынын жаңы лидери болуп шайланып, өлкөнүн премьер-министри болду. Бул тууралуу партиянын жазганына таянып РИА Новости кабарлады.
Жаңы өкмөт башчы дароо билдирүү жасап, Канада эч убакта АКШнын бир бөлүгү болуп калбай турганын айткан.
Карни 2008-жылкы финансылык кризистен өлкө экономикасын сактап кала алган кесипкөй экономист болуп саналат. Бул эмгегинин аркасы менен Англия банкын жетектөөгө чакырылып, Улуу Британиянын банкын жетектеген биринчи чет элдик болуп калган. 2020-жылы климаттын өзгөрүшү жана финансыга байланышкан маселелер боюнча БУУнун атайын өкүлү болуп дайындалган эле.
Трюдо администрациясынын миграция жана жогорку инфляция боюнча жүргүзгөн саясатынан улам премьер-министрликтен кетерин айткан. Саясатчы аталган кызматта 10 жыл иштеди.
Пикирлер (0)
Пикир жок. Сиз биринчилерден болушуңуз мүмкүн