Кара-Суу: Жергиликтүү тургун Ташиевге "Камыш вышканы" эске салды

Бүгүн, 19-апрелде УКМКнын төрагасы Камчыбек Ташиев Кара-Суу районунун тургундары менен жолугушуу өткөрүүдө. 

Жергиликтүү тургун Камчыбек Ташиевге чек арачылар үчүн жакшы вышкаларды орнотуп берүүнү сурады. 

"Биздин чек  ара кызматклери өзүңүз көргөндөй камыш вышкаларда отурат. Эми кошуна мамлекеттикин караңыз. Биздин балдар кыштын чилдесинде да, жайдын саратанында да ошол камышта отурат. Буга көңүл буруңуздар",- деди жергиликтүү тургун. 

"Быйыл 150 километр жерге зым тартып, 30 жылдан бери курулбаган чек ара заставасын куруу үчүн 450 миллиондой каражат бөлдүрдүк. Сиздер айткан нерсе сөзсүз эске алынат",- деди Ташиев.