Кара-Суу районунда сел жүрдү

Бүгүн, 28-майда  Кара-Суу районунда сел жүрдү. Бул туурасында Өзгөчө кырдаалдар министрлигинин маалымат кызматы билдирет.

Маалыматка ылайык,  саат 12:00 чамасында Ош облусу, Кара-Суу районунда катуу жаап өткөн жаандын кесепетинен сел жүрүп Катта-Талдык айыл аймагынын Баш-Булак айылында үйлөргө суу каптоо коркунучу жаралгандыгы тууралуу малымат түшкөн. 

Жерине тактоо иштерин жүргүзүүгө Кара-Суу райондук ӨК бөлүмүнөн ыкчам топ тартылган.

Өзгөчө кырдаалдар министрлиги абал боюнча кошумча маалымат берилерин билдирди.