Кайра шайлоо: Эки округ боюнча талапкерлерди каттоо аяктайт

Бүгүн, 27-январда кайра шайлоого талапкерлерди көрсөтүү аяктайт.  Бул тууралуу БШКнын маалымат кызматы билдирди.

Борбордук шайлоо комиссиясынан маалым болгондой, документтерди кабыл алуу бүгүн саат 18:00дө жыйынтыкталат. Кайра шайлоого катышуу үчүн 54 жаран Борбордук шайлоо комиссиясына арыз менен кайрылды. 

Эске салсак, 28-ноябрда өткөн шайлоодо Бишкектин Свердлов жана Биринчи Май округунда шайлоого катышкан жарандардын баарына каршы добуш бергендердин саны көп болгон. Мындан улам кайра шайлоо өткөрүү белгиленип, ал 27-февралда өтөт.