Кеминде өрттөнгөн токой толугу менен өчүрүлдү. Бул тууралуу Өзгөчө кырдаалдар министрлигинин басма сөз кызматы маалымдады.
7-сентябрь күнү Кемин району, Көк-Ойрок айыл өкмөтү Кайыңды айылынын түштүк тарабында жайгашкан Кыргыз Ала-Тоосундагы Көк-Жар Борду коктуларында ( Чоң-Кемин жаратылыш паркына тиешелүү) чыккан ири өрт 9-сентябрь күнү саат 17:50дө чектөөгө алынган.
Бүгүн өрттү толук өчүрүүгө Кемин райондук Өзгөчө кырдаалдар бөлүмүнөн 10 куткаруучу, ошондой эле жергиликтүү тургундардан болжол менен 12 жаран анын ичинен атчандардан 4 атчан, Токой чарба агенттигинен 20 кызматкер тартылып, өрттү толугу менен саат 18:45те өчүрүштү.
Пикирлер (0)
Пикир жок. Сиз биринчилерден болушуңуз мүмкүн