Кыргыз-тажик укук коргоо органдары кыргыз унааларынын таш бараңга алынышын иликтейт

Президенттин Баткен облусу боюнча ыйгарым укуктуу өкүлү Абдикарим Алимбаев Тажикстандын тиешелүү  органдары менен сүйлөшүүлөрдү жүргүздү. Бул тууралуу Президенттин Баткен облусу боюнча ыйгарым укуктуу өкүлүнүн басма сөз кызматы кабарлады.

Сүйлөшүүлөрдүн жүрүшүндө, чек арада абал талкууланган. 

Маалыматка ылайык, тажик тарап "Головной" суу бөлүштүрүүчү жайына жакын жерде траншея казуу иштерин токтоткон. Ошондой эле чек арада чыр-чатакка жол бербөө үчүн түшүндүрүү иштерин жүргүзүү макулдашылган.

Мындан сырткары, Эки-Таш аймагында кыргыз унааларынын таш бараңга алынышы боюнча териштирүү иштери жүргүзүлөт.