Кыргызстанда дан эгиндеринин үрөнү менен камсыздоо 94 пайызды түздү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка караганда, 2025-жылдын жаздык айдап себүүсүнө республика боюнча 64,6 миң тонна кылкандуу дан өсүмдүктөрүнүн үрөнү керектелсе, үрөнчүлүк чарбалар жана чарба субъекттери тарабынан 60,8 миң тонна кылкандуу дан эгиндеринин үрөнү топтолгон же камсыздалганы 94% түздү.
Анын ичинен жаздык буудай үрөнүнүн керектөөсү 20,5 миң тоннаны түзсө, топтолгону 19,2 миң тонна, же камсыздоо 93,9%.
Жаздык арпа үрөнүн керектөөсү 43,9 миң тонна болсо, топтолгону 41,3 миң тонна, же камсыздоо 94,0% түздү.
Мындан тышкары - сулу, кара күрүч, соя, күрүч жана тамекинин үрөндөрү 100% камсыз болду.
Ошондой эле жүгөрү 93,8%, күн карама 99,0%, дан буурчак 99,9%, сафлор 97,9%, пахта 85,5%, картошка 95,5%, беде 46,2 эспарцет 56,9 кант кызылчасы 55,7% үрөндүк материалдары менен камсыздалган.
Айыл чарба өсүмдүктөрүнүн үрөнүнүн сапатын текшерүү максатында жаздык кылкандуу дан эгиндеринин – 37 миӊ тонна үрөнү текшерилген, анын ичинде жазгы буудай 10,9 миӊ тонна, жаздык арпа 25,9 миӊ тонна. Текшерилген үрөндүн кондицияга жеткен кылкандуу дан өсүмдүктөрү 36,2 миӊ тонна же 59,6 % түзөт, жаздык буудай 10,6 миӊ тонна, же 55,2 %, жаздык арпа 25,5 миӊ тонна же 61,7 %.
Пикирлер (0)
Пикир жок. Сиз биринчилерден болушуңуз мүмкүн