Жалган курандын 04, 2024
Убакыт: 21:45
USD
89.40
89.72
EUR
96.70
97.70
RUB
0.967
0.995

Кыргызстанда күйүүчү майдын ар бир литрине жолду тейлөөгө төлөм киргизүүнү көздөшүүдө

04.10.2023 09:07
272
Кыргызстанда күйүүчү майдын ар бир литрине жолду тейлөөгө төлөм киргизүүнү көздөшүүдө


Кыргызстандын Транспорт жана коммуникациялар министрлиги республиканын унаа жолдорун оңдоо жана тейлөө үчүн төлөм киргизүүнү сунуштоодо. Салыктык эмес кирешелер жөнүндө кодекске өзгөртүүлөр киргизүү коомдук талкууга коюлду.


Кыргызстанда жолдордун жалпы узундугу 34 миң чакырым болсо, анын 19 миң 840 чакырымы Транспорт жана коммуникациялар министрлигинин карамагындагы жалпы пайдалануудагы жолдор. Алардын үлүшүнө жүргүнчүлөрдү ташуунун 98 процентке жакыны жана жүк ташуунун 96 проценттен ашыгы туура келет.


Ошол эле учурда жолдун үстүнкү катмары жыл сайын эскирип жатат, бул жумушчулардын эмгек акысын айтпаганда да, материалдарга, жабдууларга, күйүүчү-майлоочу материалдарга тынымсыз акча каражатын талап кылат


«Реформанын алкагында Жол фонду түзүлдү, анын негизги максаты жол тармагын кийинки каржылоо үчүн киреше бөлүгүн көбөйтүү», - деп белгилейт ведомстводон.


Фонддун булактары болуп мыйзамдарда бекитилген кирешелер саналат: күйүүчү-майлоочу материалдарга акциздик салыктын 50 пайызы, жол жана транспорт менен байланышкан жыйымдар жана туумдар (каттоо, пропуск, тараза, жасалма курулуштарда жүрүү), республикалык бюджеттен чегерүү. Алардан түшкөн киреше жолдорду стандартка жеткирүүгө жетпейт.


Кыргызстанда жолдорду коопсуз стандарттык абалда кармоо үчүн жылына 10 миллиард сомго жакын каражат талап кылынат.


Негизи республикалык бюджеттен 2 миллиард сомго жакын каражат каралган, бул 1 чакырым жолго болжол менен 100 сомду түзөт, бул жолдорду талаптагыдай кармоого жетпейт.


Кырдаалды өзгөртүү үчүн Транспорт министрлиги жалпы пайдалануудагы жолдорду оңдоо жана тейлөө үчүн акы киргизүүнү сунуштоодо. Бул май куюучу жайларда ар бир литр күйүүчү май үчүн акы алууну билдирет. Бул “ким көп айдаса, көбүрөөк төлөйт” принциби ишке ашырылган өлкөлөрдүн практикасынын негизинде иштелип чыккан.


Бирок, азыр так канча төлөө керектиги белгисиз. Автомобиль жолдорун оңдоо жана кароо үчүн жыйымдарды алуунун тартиби жана өлчөмү Министрлер Кабинетинин токтому менен өзүнчө бекитилет.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн