Кыргызстанда сүт өндүрүү көбөйүп, жумуртка өндүрүү азайган

2021-жылдын январь-май айларында өлкө боюнча сүттү өндүрүү 582,7 миң тоннаны түздү. Ал өткөн жылдын ушул мезгилине салыштырмалуу 1,9%га көп.

Айыл, суу чарба жана аймактарды өнүктүрүү министрлигинен билдиришкендей, үстүбүздөгү жылдын январь-май айында республикада 229 млн 596 миң жумуртка алынган. Ал өткөн жылга караганда 5 миң 883кө аз болгон. Тактап айтканда, Ысык-Көл облусунда эң аз алынган.