Кыргызстандын ИДПсынын өсүү темпи 2023-жылдын январь-июль айларындагы 2,9 пайыздан кийин январь-август айларында 3,3 пайызга чейин өстү. Бул тууралуу Евразия өнүктүрүү банкынын жумалык баяндамасында айтылат.
Банктын экономисттери жакшырууга өнөр жай өндүрүшүнүн төмөндөшүнүн токтошу түрткү болгонун белгилешүүдө. Өсүү курулуш секторунун, дүң жана чекене сооданын эсебинен уланууда.
«Айыл чарбасында өндүрүштүн 1,5 пайызга төмөндөшү тоскоолдук таасирин тийгизди, буга учурдагы сезондогу кургак аба ырайы жана бир жыл мурунку жогорку көрсөткүчтөр себеп болду. Биздин эсептөөлөр боюнча, ноябрь-декабрь айларында негизги металлдарды өндүрүү өсүү зонасына кирет, бул 2023-жылдын акырына карата ИДПнын өсүү темпин 4,2 пайызга чейин жогорулатууну камсыз кылат», - деп жыйынтыктады ЕӨБ эксперттери.
Пикирлер (0)
Пикир жок. Сиз биринчилерден болушуңуз мүмкүн