Кыргызстандын тышкы карызы 9,2 млн долларга азайды

Кыргызстандын мамлекеттик тышкы карызы 2021-жылдын 28-февралына карата 4 миллиард 212,41 миллион долларды (357 миллиард 1,92 миллион сом) түздү. Бул тууралуу Экономика жана каржы министрлиги тарабынан маалымдалды.

2021-жылдын 1-январынан бери тышкы карыз 4 миллиард 221,61 миллион доллардан 9,2 миллион долларга азайган.

Кытайдын Экспорттук-Импорттук Банкы жана Япониянын Эл аралык Кызматташтык Банкы Кыргызстандын эки тараптуу жеңилдетилген насыяларын берүүчү ири кредиторлору болуп саналат. Алардын алдындагы карыз тиешелүүлүгүнө жараша 1,8 миллиард жана 236,3 миллион долларга жетет.