Кыргызстандын Өзбекстандагы Барак айылынын тагдыры эмне болду?

Жогорку Кеңештин бүгүнкү, 17-ноябрдагы жыйынында Кыргызстан менен Өзбекстандын ортосундагы мамлекеттик чек ара маселеси каралууда.

Тактап айтканда, 2022-жылдын 3-ноябрында кол коюлган Кыргызстан менен Өзбекстандын ортосундагы кыргыз-өзбек мамлекеттик чек арасынын айрым тилкелери жөнүндөгү келишим жана эки өлкөнүн өкмөтү ортосунда Кемпир-Абад суу сактагычынын суу ресурстарын биргелешип башкаруу жөнүндө макулдашууну ратификациялоо тууралуу мыйзам долбоорлору каралууда.

Жыйында УКМКнын төрагасы, чек араны делимитациялоо жана демаркациялоо боюнча мамлекеттик комиссиянын жетекчиси Камчыбек Ташиев билдиргендей, Кыргызстандын Өзбекстандагы Барак айылынын тургундары өз үйлөрүн таштап Кыргызстанга көчүүгө туура келет.

Депутат Алишер Козуев айыл тургундары мындай кадамга макул экендигин кошумчалады.