Кытай-Кыргызстан-Өзбекстан темир жолу: Кытай Кыргызстандын вариантын кымбат деп эсептейт

Бүгүн, 10-майда Жогорку Кеңештин транспорт комитетинин көчмө жыйыны өтүүдө.

Жыйында депутаттар Кытай-Кыргызстан-Өзбекстан темир жолунун курулушу боюнча маселе көтөрдү.

"Кыргызтемиржолу" ишканасынын жетекчиси Азамат Сакиев тараптар менен сүйлөшүүлөр жүргүзүлүп жатканын билдирди.

"Стратегиялык маанидеги темир жолду куруу боюнча Өзбекстан жана Кытай тарап менен сүйлөшүүлөр жүрүп жатат.

Биз Торугарт—Арпа—Макмал—Жалала-Абад линиясы боюнча куруу планын сунуштадык. Буга Өзбекстан жана Кытай дагы макул. Бирок Кытай аталган линияны куруу кымбатка турарын билдирди",- деди Сакиев.