Кытайлык Jiangsu Hengrui Pharmaceuticals компаниясы онкологиялык дарылоо үчүн Zeprumetostat жаңы дарысына Кытайдын Мамлекеттик тамак-аш жана дары-дармектерди көзөмөлдөө боюнча башкармалыгынан уруксат алды. Бул тууралуу China Dailу кабарлайт.
Маалыматка караганда, дары рецидивдүү же рефрактериялык перифериялык Т-клеткалык лимфомасы (R/R PTCL) менен ооруган чоң кишилерди дарылоо үчүн бекитилген, алар жок дегенде буга чейин терапиянын бир курсунан өтүшү керек. Бул кан рагынын сейрек кездешүүчү жана агрессивдүү түрү, аны дарылоонун өтө чектелген варианттары бар.
Zeprumetostat Кытайда иштелип чыккан рак клеткаларынын өсүшү менен байланышкан EZH2 ферментинин биринчи ингибитору болуп калды. Компаниянын маалыматы боюнча, бул жаңы терапиялык варианттарды сунуш кыла турган дары.
Эми дары анын узак мөөнөттүү коопсуздугун жана натыйжалуулугун баалоо үчүн клиникалык сыноолорду улантуу шартында рынокко чыгарылат. Бул режим алдын ала жыйынтыктарда бейтаптар үчүн олуттуу пайда көрсөткөн оор жана сейрек оорулар үчүн колдонулат.
Пикирлер (0)
Пикир жок. Сиз биринчилерден болушуңуз мүмкүн