Кызыл-Кыяда шахтадан чыккан газга ууланып бир адам каза болду

Баткен облусунунун Кызыл-Кыя шаарында 34 жаштагы жаран шахтада газга ууланып каза болду.

Буга чейин Өзгөчө кырдаалдар министрлигинин басма сөз кызматы Кызыл-Кыя шаарынын Кара-Козу айылында жайгашкан көмүр шахтасында газ чыккандыгы тууралуу маалымат берген.

Жерине Тоо кырсыгынан куткаруу кызматынын Кызыл-Кыя шаарындагы 4-ӨМТККВнан улук лейтенант Кочкоровдун жетекчилигинде 5 куткаруучу тартылды.

Шахтанын 90 метр тереңдигинде 34 жаштагы Ноокат районунун Т.Ө.М. аттуу тургунунун жансыз денеси табылып, жакындарына өткөрүлүп берилди.