Бүгүн, 21-февральда Жалал-Абадда кар көчкү басып калган 4 жаранды издөө иштери күчөтүлгөн тартипте уланууда. Бул тууралуу Өзгөчө кырдаалдар министрлигинин басма сөз кызматы билдирди.
Кар көчкүнүн астында калган 4 жаранды издөө иши ӨКМ тарабынан жеринде күчөтүлгөн тартипте жүрүүдө.
Жалпысынан Өзгөчө кырдаалдар министрлигинен 53 куткаруучу, 3 кинолог иттер менен, атайын каражат менен темир издеген адам (металлоискатель) бар. Ошондой эле, 8 атайын техника тагыраагы, эксковатор, бульдозер, грейдер жана унаа жүктөгүч тартылган.
Маалыматка ылайык, кардын жалпы көлөмү 1 млн метр кубду түзөт. Ага карабастан куткаруучулар бүгүнкү күндө 20-30 метрге чейинки тереңдиктеги карды казып, издөө ишин улантууда.
Пикирлер (0)
Пикир жок. Сиз биринчилерден болушуңуз мүмкүн