Бүгүн, 15-декабрда Жогорку Кеңештин жыйынында Бишкек шаарындагы ыш маселеси каралууда.
Анда Жаратылыш ресурстары, экология жана техникалык көзөмөл министри Динара Кутманова расмий тилде баяндама жасай баштаганда төрага Нурланбек Шакиев андан кыргыз тилинде баяндама жасашын талап кылды.
Динара Кутманованын баяндамасынан кийин депутат Эрулан Кокулов төраганын талабына макул эмес экенин билдирди.
"Урматтуу төрага, сиз жеке каалооңуз менен Динара Кутманованы кыргыз тилинде баяндама жасаттыңыз. Мен дагы кыргыз тилинде жасалышын колдойм. Бирок азыр Динара айымдын сөзүнүн 70 пайызы орусча, 30 пайызы кыргызча болду. Ошондо да эч нерсе түшүндүрө алган жок. Мына мен эч нерсе түшүнгөн жокмун",- деди депутат.
Пикирлер (2)